ye tera taj nahin hai hamari pagDi hai
ye sar ke sath hi utregi sar ka hissa hai

Khushbir Singh Shaad

---

---

zara ye dhup Dhal jae to un ka haal puchhenge
yahan kuchh sae apne aap ko paikar batate hain

Khushbir Singh Shaad

---

---

galiyan ghair se sunate ho
han miyan aur tum se kya hoga

Khwaja Aminuddin Ameen

---

---

main dar-guzra sahib-salamat se bhi
KHuda ke liye itna barham na ho

Khwaja Aminuddin Ameen

---

---

subh gar subh-e-qayamat ho to kuchh parwa nahin
hijr ki jab raat aisi be-qarari mein kaTi

Khwaja Aminuddin Ameen

---

---

har tamanna dil se ruKHsat ho gai
ab to aa ja ab to KHalwat ho gai

Khwaja Aziz-ul-Hasan Majzuub

---

---

hum tera naza talak jaur sahe jate hain
yaad aaenge bahut itna kahe jate hain

Khwaja Meer Amani

---

---