mujhe tujh se shikayat bhi hai lekin ye bhi sach hai
tujhe ai zindagi main walihana chahta hun

Khushbir Singh Shaad

---

---

na jaane kitni aziyyat se KHud guzarta hai
ye zaKHm tab kahin ja kar nishan banata hai

Khushbir Singh Shaad

---

---

nae manzar ke KHwabon se bhi Dar lagta hai un ko
purane manzaron se jin ki aankhen kaT chuki hain

Khushbir Singh Shaad

---

---

nai mushkil koi darpesh har mushkil se aage hai
safar diwangi ka ishq ki manzil se aage hai

Khushbir Singh Shaad

---

---

aat meri aankhon mein kuchh ajib chehre the
aur kuchh sadaen thin KHamushi ke paikar mein

Khushbir Singh Shaad

---

---

afta rafta sab taswiren dhundli hone lagti hain
kitne chehre ek purane album mein mar jate hain

Khushbir Singh Shaad

---

---

agon mein zahr-e-KHamoshi utarne se zara pahle
bahut taDpi koi aawaz marne se zara pahle

Khushbir Singh Shaad

---

---