kuchh talab mein bhi izafa karti hain mahrumiyan
pyas ka ehsas baDh jata hai sahra dekh ka

Khushbir Singh Shaad

---

---

main apne ru-ba-ru hun aur kuchh hairat-zada hun main
na jaane aks hun chehra hun ya phir aaina hun main

Khushbir Singh Shaad

---

---

main bar-ha teri yaadon mein is tarah khoya
ki jaise koi nadi jangalon mein gum ho jae

Khushbir Singh Shaad

---

---

main kab se nind ka mara hua hun aur kab se
ye meri jagti aankhen hain mahw-e-KHwab na puchh

Khushbir Singh Shaad

---

---

main ne to tasawwur mein aur aks dekha tha
fikr muKHtalif kyun hai shaeri ke paikar mein

Khushbir Singh Shaad

---

---

mere andar kai ehsas patthar ho rahe hain
ye shiraaza bikharna ab zaruri ho gaya hai

Khushbir Singh Shaad

---

---

mujh ko samajh na pai meri zindagi kabhi
aasaniyan mujhi se thin mushkil bhi main hi tha

Khushbir Singh Shaad

---

---