chehre hain ki sau rang mein hote hain numayan
aaine magar koi siyasat nahin karte

Khursheed Akbar

---

---

dalilen chhin kar mere labon se
wo mujh ko mujh se behtar kaTta hai

Khursheed Akbar

---

---

dard ka zaiqa bataun kya
ye ilaqa zaban se bahar hai

Khursheed Akbar

---

---

dil hai ki tere panw se pazeb giri hai
sunta hun bahut der se jhankar kahin ki

Khursheed Akbar

---

---

duniya ko raundne ka hunar jaanta hun main
lekin ye sochta hun ki duniya ke baad kya

Khursheed Akbar

---

---

ghaib ka aisa parinda hai zamin par insan
aasmanon ko jo shah-par pe uThae hue hai

Khursheed Akbar

---

---

gharibi kaTna aasan nahin hai
wo sari umr patthar kaTta hai

Khursheed Akbar

---

---