zist ka ek gunah kar sake na hum
sans ke waste bhi mar sake na hum

Khumar Qureshi

---

---

tum meri masafat ke liye aaKHiri had ho
ab tum se pare rahguzar koi nahin hai

Khurram Khaleeq

---

---

aamad ka teri jab koi imkan nahin hai
kab tak dil-e-be-tab yunhi tham rakhen hum

Khurram Khiram Siddiqui

---

---

aate aate aaegi duniya-dari
jate jate faqa-masti jaegi

Khursheed Akbar

---

---

ai shahr-e-sitam-zad teri umr baDi ho
kuchh aur bata naql-e-makani ke alawa

Khursheed Akbar

---

---

aDi bholi hai KHarchili zarurat
shahanshahi kamai mangti hai

Khursheed Akbar

---

---

adan mein sans leta hai samundar
meri kashti hawa par chal rahi hai

Khursheed Akbar

---

---