ab meri tanhai bhi mujh se baghawat kar gai
kal yahan jo kuchh hua tha sab fasana ho gaya

Khalid Ghani

---

---

lakiren piTne walon ko 'KHalid'
lakiron par hansi aane lagi hai

Khalid Ghani

---

---

mere suluk ki qimat yahin ada kar de
mujhe gunah ki lazzat se aashna kar de

Khalid Ghani

---

---

ang KHushbu aur mausam ka bahana ho gaya
apni hi taswir mein chehra purana ho gaya

Khalid Ghani

---

---

ahut hain sajda-gahen par dar-e-jaanan nahin milta
hazaron dewta hain har taraf insan nahin milta

Khalid Hasan Qadiri

---

---

ghuTan to dil ki rahi qasr-e-marmarin mein bhi
na raushni se hua kuchh na kuchh hawa se hua

Khalid Hasan Qadiri

---

---

kis se puchhen ki hum kidhar jaen
yaad ab hum ko wo gali hi nahin

Khalid Hasan Qadiri

---

---