teri nigah to KHush-manzari pe rahti hai
teri pasand ke manzar kahan se laun main

Khaleel Tanveer

---

---

tu mujh ko bhulna chahe to bhul sakta hai
main ek harf-e-tamanna teri kitab mein hun

Khaleel Tanveer

---

---

wo log apne aap mein kitne azim the
jo apne dushmanon se bhi nafrat na kar sake

Khaleel Tanveer

---

---

wo log jin ki zamana hansi uData hai
ek umr baad unhen mo'tabar bhi karta hai

Khaleel Tanveer

---

---

wo shahr chhoD ke muddat hui chala bhi gaya
had-e-ufuq pe magar chand ru-ba-ru hai wahi

Khaleel Tanveer

---

---

zamana lakh sitaron ko chhu ke aa jae
abhi dilon ko magar hajat-e-rafu hai wahi

Khaleel Tanveer

---

---

zara si Thes lagi thi ki chur chur hua
tere KHayal ka paikar bhi aabgina tha

Khaleel Tanveer

---

---