jaisi nigah thi teri waisa fusun hua
jo kuchh tere KHayal mein tha jun-ka-tun hua

Khalid Iqbal Yasir

---

---

KHud apni shakl dekhe ek muddat ho gai mujh ko
uTha leta hai patthar TuTe aaine nahin deta

Khalid Iqbal Yasir

---

---

lagta hai zinda rahne ki hasrat gai nahin
mar ke bhi sans lene ki aadat gai nahin

Khalid Iqbal Yasir

---

---

palaT ke aae na aae koi sune na sune
sada ka kaam fazaon mein gunjte tak hai

Khalid Iqbal Yasir

---

---

ahti hai sath sath koi KHush-gawar yaad
tujh se bichhaD ke teri rifaqat gai nahin

Khalid Iqbal Yasir

---

---

yahi bahut hai kisi tarah se bharam hi rah jae pesh duniya
agar mayassar nahin hai baada KHayal-e-baada bhi kam nahin hai

Khalid Iqbal Yasir

---

---

zamane ke darbar mein dast-basta hua hai
ye dil us pe mail magar rafta rafta hua hai

Khalid Iqbal Yasir

---

---