meri jaan teri KHatir jaan ka sauda
bahut mahnga bhi hai dushwar bhi hai

Khalid Hasan Qadiri

---

---

na aae tum na aao tum ki ab aane se kya hasil
KHud ab to hum se apni shakl pahchani nahin jati

Khalid Hasan Qadiri

---

---

sada-e-shahr fusun hai nazar na dar se haTa
wo misl-e-sang hua jis ne lauT kar dekha

Khalid Hasan Qadiri

---

---

tumhaare nam pe dil ab bhi ruk sa jata hai
ye baat wo hai ki is se mafar nahin hota

Khalid Hasan Qadiri

---

---

ye waqfa saaton ka chand sadiyon ke barabar hai
wo ab aawaz dete hain to pahchani nahin jati

Khalid Hasan Qadiri

---

---

ek hi maidan mein leTe hain sab
kya gada kya tajwar marne ke baad

Khalid Iqbal Taib

---

---

kis qadar bechaargi mein hain paDe
kaise kaise chaara-gar marne ke baad

Khalid Iqbal Taib

---

---