waqt pujega hamein waqt hamein DhunDega
aur tum waqt ke ham-rah chaloge yaro

Khaleeq Qureshi

---

---

jaane kitne Dubne wale sahil par bhi Dub gae
pyare! tufanon mein rah kar itna bhi ghabrana kya

Khaleeq Siddiqui

---

---

phul se bas juda fikr se ehsas juda
fard se TuT gae fard qabile na rahe

Khalid Ahmad

---

---

tark-e-talluqat pe roya na tu na main
lekin ye kya ki chain se soya na tu na main

Khalid Ahmad

---

---

wo gali hum se chhuTti hi nahin
kya karen aas TuTti hi nahin

Khalid Ahmad

---

---

wo jo ek baat thi guftani wahi ek baat shunidni
jise main ne tum se kaha nahin jise tum ne mujh se suna nahin

Khalid Alig

---

---

abhi marne ki jaldi hai 'ibaadi'
agar zinda rahe to phir milenge

Khalid Ebadi

---

---