thak thak ke teri rah mein yun baiTh gaya hun
goya ki bas ab mujh se safar ho nahin sakta

Kashfi Multani

---

---

zamana aaya kuchh aisa ki ab to har ghar mein
laTak rahi hai masarrat nazir ki taswi

Kashfi Multani

---

---

dhup sae ki tarah phail gai
in daraKHton ki dua lene se

Kashif Husain Ghair

---

---

hamare dil ki tarah shahr ke ye raste bhi
hazar bhed chhupae hue se lagte hain

Kashif Husain Ghair

---

---

hamari zindagi par maut bhi hairan hai 'ghaer'
na jaane kis ne ye tariKH-e-paidaish nikali hai

Kashif Husain Ghair

---

---

ek din dukh ki shiddat kam paD jati hai
kaisi bhi ho wahshat kam paD jati hai

Kashif Husain Ghair

---

---

in sitaron mein kahin tum bhi ho
in nazaron mein kahin main bhi hun

Kashif Husain Ghair

---

---