wo meri fahm ka leta hai imtihan shayad
ki har sawal se pahle jawab mange hai

Karamat Ali Karamat

---

---

ayyam musibat ke to kaTe nahin kaTte
din aish ke ghaDiyon mein guzar jate hain kaise

Karamat Ali Shaheedi

---

---

ji chahega jis ko use chaha na karenge
hum ishq o hawas ko kabhi yakja na karenge

Karamat Ali Shaheedi

---

---

sikh le hum se koi zabt-e-junun ke andaz
barson paband rahe par na hilai zanji

Karamat Ali Shaheedi

---

---

aah to ab bhi dil se uThti hai
lekin us mein asar nahin hota

Karamat Bukhari

---

---

ek nazar mein us ne har ek dil ko jit liya
ek nazar mein us ke ho gae jaane kitne log

Karamat Bukhari

---

---

gawahi ke liye kafi rahega
main apna KHun munh pe mal raha hun

Karamat Bukhari

---

---