unhin ke git zamane mein gae jaenge
jo choT khaenge aur muskurae jaenge

Kaleem Aajiz

---

---

uThte houn ko sab ne sahaara diya 'kalim'
girte hue gharib sambhaale kahan gae

Kaleem Aajiz

---

---

wahi to umr mere dard-e-dil ki bhi hogi
tere shabab ka ye kaun sal hai pyare

Kaleem Aajiz

---

---

wo baat zara si jise kahte hain gham-e-dil
samjhane mein ek umr guzar jae hai pyare

Kaleem Aajiz

---

---

wo jo shaeri ka sabab hua wo muamla bhi ajab hua
main ghazal sunaun hun is liye ki zamana us ko bhala na de

Kaleem Aajiz

---

---

wo kahte hain har choT par muskurao
wafa yaad rakkho sitam bhul jao

Kaleem Aajiz

---

---

wo sitam na Dhae to kya kare use kya KHabar ki wafa hai kya?
tu usi ko pyar kare hai kyun ye 'kalim' tujh ko hua hai kya?

Kaleem Aajiz

---

---