ye aansu be-sabab jari nahin hai
mujhe rone ki bimari nahin hai

Kaleem Aajiz

---

---

ye bayan-e-haal ye guftugu hai mera nichoDa hua lahu
abhi sun lo mujh se ki phir kabhu na sunoge aisi kahaniyan

Kaleem Aajiz

---

---

ye kaisi bahaar-e-chaman aai ki chaman mein
virana hi virana hai ta-hadd-e-nazar aaj

Kaleem Aajiz

---

---

ye sitam ki mahfil-e-naz hai 'kalim' is ko aur sajae ja
wo dikhaen raqs-e-sitamgari tu ghazal ka saz bajae ja

Kaleem Aajiz

---

---

ye tarz-e-KHas hai koi kahan se laega
jo hum kahenge kisi se kaha na jaega

Kaleem Aajiz

---

---

ye waz-e-wafadari 'ajiz' na badal dena
wo zaKHm tujhe denge tum un ko ghazal dena

Kaleem Aajiz

---

---

zalim tha wo aur zulm ki aadat bhi bahut thi
majbur the hum us se mohabbat bhi bahut thi

Kaleem Aajiz

---

---