meri ghazal ko meri jaan faqat ghazal na samajh
ek aaina hai jo har dam tere muqabil hai

Kaleem Aajiz

---

---

mera haal puchh ke ham-nashin mere soz-e-dil ko hawa na de
bas yahi dua main karun hun ab ki ye gham kisi ko KHuda na de

Kaleem Aajiz

---

---

meri shaeri mein na raqs-e-jam na mai ki rang-fishaniyan
wahi dukh-bharon ki hikayaten wahi dil-jalon ki kahaniyan

Kaleem Aajiz

---

---

na jaane ruTh ke baiTha hai dil ka chain kahan
mile to us ko hamara koi salam kahe

Kaleem Aajiz

---

---

akhna hai kahin panw to rakkho ho kahin panw
chalna zara aaya hai to itrae chalo ho

Kaleem Aajiz

---

---

shikayat un se karna go musibat mol lena hai
magar 'ajiz' ghazal hum be-sunae dam nahin lenge

Kaleem Aajiz

---

---

suna hai hamein bewafa tum kaho ho
zara hum se aankhen mila lo to jaanen

Kaleem Aajiz

---

---