jis nur ke bakke ko mah-o-KHur ne na dekha
kam-baKHt ye dil loTe hai us parda-nashin pa

Jurat Qalandar Bakhsh

---

---

jo aaj chaDhate hain hamein arsh-e-barin par
do din ko utarenge wahi log zamin pa

Jurat Qalandar Bakhsh

---

---

jo ki sajda na kare but ko mere mashrab mein
aaqibat us ki kisi taur se mahmud nahin

Jurat Qalandar Bakhsh

---

---

kafir hun jo mahram pe bhi hath us ke laga ho
mashhur ghalat mahram-e-asrar hue hum

Jurat Qalandar Bakhsh

---

---

kahiye kyunkar na use baadshah-e-kishwar-e-husn
ki jahan ja ke wo baiTha wahin darbar laga

Jurat Qalandar Bakhsh

---

---

kaifiyat mahfil-e-KHuban ki na us bin puchho
us ko dekhun na to phir de mujhe dikhlai kya

Jurat Qalandar Bakhsh

---

---

kal us sanam ke kuche se nikla jo shaiKH-e-waqt
kahte the sab idhar se ajab barhaman gaya

Jurat Qalandar Bakhsh

---

---