mere rone ka jis mein qissa hai
umr ka behtarin hissa hai

Josh Malihabadi

---

---

mila jo mauqa to rok dunga 'jalal' roz-e-hisab tera
paDhunga rahmat ka wo qasida ki hans paDega azab tera

Josh Malihabadi

---

---

mile jo waqt to ai rah-raw-e-rah-e-iksir
haqir KHak se bhi saz-baz karta ja

Josh Malihabadi

---

---

mujh ko to hosh nahin tum ko KHabar ho shayad
log kahte hain ki tum ne mujhe barbaad kiya

Josh Malihabadi

---

---

pahchan gaya sailab hai us ke sine mein armanon ka
dekha jo safine ko mere ji chhuT gaya tufanon ka

Josh Malihabadi

---

---

shabab-e-rafta ke qadam ki chap sun raha hun main
nadim ahad-e-shauq ki sunae ja kahaniyan

Josh Malihabadi

---

---

sirf itne ke liye aankhen hamein baKHshi gain
dekhiye duniya ke manzar aur ba-ibrat dekhiye

Josh Malihabadi

---

---