aamal ki pursish na kar ai dawar-e-mahshar
majbur to muKHtar kabhi ho nahin sakta

Josh Malsiani

---

---

aane wali hai kya bala sar par
aaj phir dil mein dard hai kam kam

Josh Malsiani

---

---

aur hote hain jo mahfil mein KHamosh aate hain
aandhiyan aati hain jab hazrat-e-'josh' aate hain

Josh Malsiani

---

---

gila na-mehrbani ka to sab se sun liya tum ne
tumhaari mehrbani ki shikayat hum bhi rakhte hain

Josh Malsiani

---

---

is wahm se ki nind mein aae na kuchh KHalal
ahbab zer-e-KHak sula kar chale gae

Josh Malsiani

---

---

ishq us dard ka nahin qail
jo musibat ki intiha na hua

Josh Malsiani

---

---

jhukti hai nigah us ki mujh se mil kar
diwar se dhup utar rahi hai goya

Josh Malsiani

---

---