dil ki choTon ne kabhi chain se rahne na diya
jab chali sard hawa main ne tujhe yaad kiya

Josh Malihabadi

---

---

duniya ne fasanon ko baKHshi afsurda haqaeq ki talKHi
aur hum ne haqaeq ke naqshe mein rang bhara afsanon ka

Josh Malihabadi

---

---

ek din kah lijiye jo kuchh hai dil mein aap ke
ek din sun lijiye jo kuchh hamare dil mein hai

Josh Malihabadi

---

---

guzar raha hai idhar se to muskuraata ja
charagh-e-majlis-e-ruhaniyan jalata ja

Josh Malihabadi

---

---

han aasman apni bulandi se hoshiyar
ab sar uTha rahe hain kisi aastan se hum

Josh Malihabadi

---

---

had hai apni taraf nahin main bhi
aur un ki taraf KHudai hai

Josh Malihabadi

---

---

hum aise ahl-e-nazar ko subut-e-haq ke liye
agar rasul na hote to subh kafi thi

Josh Malihabadi

---

---