hum gae the us se karne shikwa-e-dard-e-firaq
muskura kar us ne dekha sab gila jata raha

Josh Malihabadi

---

---

har ek kanTe pe surKH kirnen har ek kali mein charagh raushan
KHayal mein muskurane wale tera tabassum kahan nahin hai

Josh Malihabadi

---

---

idhar teri mashiyyat hai udhar hikmat rasulon ki
ilahi aadmi ke bab mein kya hukm hota hai

Josh Malihabadi

---

---

ek na ek zulmat se jab wabasta rahna hai to 'josh'
zindagi par saya-e-zulf-e-pareshan kyun na ho

Josh Malihabadi

---

---

insan ke lahu ko piyo izn-e-am hai
angur ki sharab ka pina haram hai

Josh Malihabadi

---

---

is dil mein tere husn ki wo jalwagari hai
jo dekhe hai kahta hai ki shishe mein pari hai

Josh Malihabadi

---

---

is ka rona nahin kyun tum ne kiya dil barbaad
is ka gham hai ki bahut der mein barbaad kiya

Josh Malihabadi

---

---