jis dil ko tum ne lutf se apna bana liya
us dil mein ek chhupa hua nashtar zarur tha

Jigar Moradabadi

---

---

jise sayyaad ne kuchh gul ne kuchh bulbul ne kuchh samjha
chaman mein kitni mani-KHez thi ek KHamushi meri

Jigar Moradabadi

---

---

jo tufanon mein palte ja rahe hain
wahi duniya badalte ja rahe hain

Jigar Moradabadi

---

---

jo un pe guzarti hai kis ne use jaana hai
apni hi musibat hai apna hi fasana hai

Jigar Moradabadi

---

---

junun-e-mohabbat yahan tak to pahuncha
ki tark-e-mohabbat kiya chahta hun

Jigar Moradabadi

---

---

kabhi shaKH o sabza o barg par kabhi ghuncha o gul o KHar par
main chaman mein chahe jahan rahun mera haq hai fasl-e-bahaar pa

Jigar Moradabadi

---

---

kabhi un mad-bhari aankhon se piya tha ek jam
aaj tak hosh nahin hosh nahin hosh nahin

Jigar Moradabadi

---

---