wahshat-e-dil ke KHaridar bhi napaid hue
kaun ab ishq ke bazar mein kholega dukan

Ibn e Insha

---

---

wo raaten chand ke sath gain wo baaten chand ke sath gain
ab sukh ke sapne kya dekhen jab dukh ka suraj sar par ho

Ibn e Insha

---

---

yunhi to nahin dasht mein pahunche yunhi to nahin jog liya
basti basti kanTe dekhe jangal jangal phul miyan

Ibn e Insha

---

---

ab to kar Daliye wafa us ko
wo jo wada udhaar rahta hai

Ibn-e-Mufti

---

---

dil ki baaton ko dil samajhta hai
dil ki boli ajib boli hai

Ibn-e-Mufti

---

---

dil mein sajde kiya karo 'mufti'
is mein parwardigar rahta hai

Ibn-e-Mufti

---

---

hum se shayad mo'tabar Thahri saba
jis ne ye gesu sanware aap ke

Ibn-e-Mufti

---

---