dil sa khilauna hath aaya hai
khelo toDo ji bahlao

Ibn-e-Safi

---

---

din ke bhule ko raat Dasti hai
sham ko wapsi nahin hoti

Ibn-e-Safi

---

---

Dub jaane ki lazzaten mat puchh
kaun aise mein par utra hai

Ibn-e-Safi

---

---

husn bana jab bahti ganga
ishq hua kaghaz ki naw

Ibn-e-Safi

---

---

likhne ko likh rahe hain ghazab ki kahaniyan
likkhi na ja saki magar apni hi dastan

Ibn-e-Safi

---

---

zamin ki kokh hi zaKHmi nahin andheron se
hai aasman ke bhi sine pe aaftab ka zaKHm

Ibn-e-Safi

---

---

aankhon mein KHwab chubhan sone nahin deti hai
ek muddat se hamein tu ne jaga rakkha hai

Ibn-e-Ummeed

---

---