kal jo main ne jhank ke dekha us ki nili aankhon mein
us ke dil ka zaKHm to 'majid' sagar se bhi gahra hai

Hussain Majid

---

---

'majid' KHuda ke waste kuchh der ke liye
ro lene de akela mujhe apne haal pa

Hussain Majid

---

---

us ka chehra udas hai 'majid'
aaine par nazar gai hogi

Hussain Majid

---

---

cake biscuit khaenge ullu-ke-paTThe raat din
aur sharifon ke liye aaTa giran ho jaega

Hussain meer Kashmiri

---

---

aan ke is bimar ko dekhe tujh ko bhi taufiq hui
lab par us ke nam tha tera jab bhi dard shadid hua

Ibn e Insha

---

---

ahl-e-wafa se tark-e-talluq kar lo par ek baat kahen
kal tum in ko yaad karoge kal tum inhen pukaroge

Ibn e Insha

---

---

apne hamrah jo aate ho idhar se pahle
dasht paDta hai miyan ishq mein ghar se pahle

Ibn e Insha

---

---