KHushi meri gawara thi na qismat ko na duniya ko
so main kuchh gham bara-e-KHatir-e-ahbab uTha lai

Humaira Rahat

---

---

mere dil ke akele ghar mein 'rahat'
udasi jaane kab se rah rahi hai

Humaira Rahat

---

---

na hum se ishq ka mafhum puchho
ye lafz apne maani se baDa hai

Humaira Rahat

---

---

suna hai KHwab mukammal kabhi nahin hote
suna hai ishq KHata hai so kar ke dekhte hain

Humaira Rahat

---

---

talluq ki nai ek rasm ab ijad karna hai
na us ko bhulna hai aur na us ko yaad karna hai

Humaira Rahat

---

---

use bhi zindagi karni paDegi 'mir' jaisi
suKHan se gar koi rishta nibhana chahta hai

Humaira Rahat

---

---

wo aur the ki jo na-KHush the do jahan le kar
hamare pas to bas ek jahan tha na raha

Humaira Rahat

---

---