kaT gai ehtiyat-e-ishq mein umr
hum se izhaar-e-muddaa na hua
Hasrat Mohani
KHanda-e-ahl-e-jahan ki mujhe parwa kya hai
tum bhi hanste ho mere haal pe rona hai yahi
Hasrat Mohani
khinch lena wo mera parde ka kona dafatan
aur dupaTTe se tera wo munh chhupana yaad hai
Hasrat Mohani
KHub-ruyon se yariyan na gain
dil ki be-iKHtiyariyan na gain
Hasrat Mohani
koshishen hum ne kin hazar magar
ishq mein ek mo'tabar na hui
Hasrat Mohani
malum sab hai puchhte ho phir bhi muddaa
ab tum se dil ki baat kahen kya zaban se hum
Hasrat Mohani
manus ho chala tha tasalli se haal-e-dil
phir tu ne yaad aa ke ba-dastur kar diya
Hasrat Mohani

