'hasrat' ki bhi qubul ho mathura mein haziri
sunte hain aashiqon pe tumhaara karam hai aaj

Hasrat Mohani

---

---

iltifat-e-yar tha ek KHwab-e-aghaz-e-wafa
sach hua karti hain in KHwabon ki tabiren kahin

Hasrat Mohani

---

---

iqrar hai ki dil se tumhein chahte hain hum
kuchh is gunah ki bhi saza hai tumhaare pas

Hasrat Mohani

---

---

jabin par sadgi nichi nigahen baat mein narmi
muKHatib kaun kar sakta hai tum ko lafz-e-qatil se

Hasrat Mohani

---

---

jo aur kuchh ho teri did ke siwa manzur
to mujh pe KHwahish-e-jannat haram ho jae

Hasrat Mohani

---

---

kabhi ki thi jo ab wafa kijiyega
mujhe puchh kar aap kya kijiyega

Hasrat Mohani

---

---

kahan hum kahan wasl-e-jaanan ki 'hasrat'
bahut hai unhen ek nazar dekh lena

Hasrat Mohani

---

---