sham ho ya ki sahar yaad unhin ki rakhni
din ho ya raat hamein zikr unhin ka karna

Hasrat Mohani

---

---

sher dar-asl hain wahi 'hasrat'
sunte hi dil mein jo utar jaen

Hasrat Mohani

---

---

sher mere bhi hain pur-dard wa-lekin 'hasrat'
'mir' ka shewa-e-guftar kahan se laun

Hasrat Mohani

---

---

shikwa-e-gham tere huzur kiya
hum ne be-shak baDa qusur kiya

Hasrat Mohani

---

---

tasir-e-barq-e-husn jo un ke suKHan mein thi
ek larzish-e-KHafi mere sare badan mein thi

Hasrat Mohani

---

---

teri mahfil se uThata ghair mujh ko kya majal
dekhta tha main ki tu ne bhi ishaara kar diya

Hasrat Mohani

---

---

toD kar ahd-e-karam na-ashna ho jaiye
banda-parwar jaiye achchha KHafa ho jaiye

Hasrat Mohani

---

---