mujhe pasand nahin aise karobar mein hun
ye jabr hai ki main KHud apne iKHtiyar mein hun

Adil Mansuri

---

---

nashsha sa Dolta hai tere ang ang par
jaise abhi bhigo ke nikala ho jam se

Adil Mansuri

---

---

nind bhi jagti rahi pure hue na KHwab bhi
subh hui zamin par raat Dhali mazar mein

Adil Mansuri

---

---

phir baalon mein raat hui
phir hathon mein chand khila

Adil Mansuri

---

---

phir koi wusat-e-afaq pe saya Dale
phir kisi aankh ke nuqte mein utara jaun

Adil Mansuri

---

---

phulon ki sej par zara aaram kya kiya
us gul-badan pe naqsh uTh aae gulab ke

Adil Mansuri

---

---

taswir mein jo qaid tha wo shaKHs raat ko
KHud hi frame toD ke pahlu mein aa gaya

Adil Mansuri

---

---