mujhe gum-shuda dil ka gham hai to ye hai
ki is mein bhari thi mohabbat kisi ki

Afsar Allahabadi

---

---

na ho ya rab aisi tabiat kisi ki
ki hans hans ke dekhe musibat kisi ki

Afsar Allahabadi

---

---

tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho

Afsar Allahabadi

---

---

KHushnuma daere bante hi chale jate hain
dil ke talab mein phenka hai ye kankar kis ne

Afsar Azri

---

---

aa mere pas aur kabhi is tarah chamak
mere badan se bhi tera saya tulua ho

Afsar Jamshed

---

---

na jaane is qadar kyun aap diwane se Darte hain
charagh-e-anjuman hain aur parwane se Darte hain

Afsar Mahpuri

---

---

hai tere liye sara jahan husn se KHali
KHud husn agar teri nigahon mein nahin hai

Afsar Merathi

---

---