dil ko jaanan se 'hasan' samjha-bujha ke lae the
dil hamein samjha-bujha kar su-e-jaanan le chala

Hasan Barelvi

---

---

ek kah kar jis ne sunni ho hazaron baaten
wo kahe un se mujhe aap se kuchh kahna hai

Hasan Barelvi

---

---

gulshan-e-KHuld ki kya baat hai kya kahna hai
par hamein tere hi kuche mein paDa rahna hai

Hasan Barelvi

---

---

hamare ghar se jaana muskura kar phir ye farmana
tumhein meri qasam dekho meri raftar kaisi hai

Hasan Barelvi

---

---

ishq mein be-tabiyan hoti hain lekin ai 'hasan'
jis qadar bechain tum ho us qadar koi na ho

Hasan Barelvi

---

---

jaan agar ho jaan to kyun-kar na ho tujh par nisar
dil agar ho dil teri surat pe shaida kyun na ho

Hasan Barelvi

---

---

jo KHas jalwe the ushshaq ki nazar ke liye
wo aam kar diye tum ne jahan bhar ke liye

Hasan Barelvi

---

---