tumhaari aankhon ki gardishon mein baDi murawwat hai hum ne mana
magar na itni tasalliyan do ki dam nikal jae aadmi ka

Haneef akhgar

---

---

wo kam-sini mein bhi 'aKHgar' hasin tha lekin
ab us ke husn ka aalam ajib aalam hai

Haneef akhgar

---

---

yaad-e-farogh-e-dast-e-hinai na puchhiye
har zaKHm-e-dil ko rashk-e-namak-dan bana diya

Haneef akhgar

---

---

ye saneha bhi baDa ajab hai ki apne aiwan-e-rang-o-bu mein
hain jama sab mahr o mah o anjum pata nahin phir bhi raushni ka

Haneef akhgar

---

---

ana ana ke muqabil hai rah kaise khule
talluqat mein hail hai baat ki diwa

Haneef Kaifi

---

---

apne kandhon pe liye phirta hun apni hi salib
KHud meri maut ka matam hai mere jine mein

Haneef Kaifi

---

---

apni jaanib nahin ab lauTna mumkin mera
Dhal gaya hun main sarapa tere aaine mein

Haneef Kaifi

---

---