fuqdan-e-uruj-e-rasan-o-dar nahin hai
mansur bahut hain lab-e-izhaar nahin hai

Haneef akhgar

---

---

har taraf hain KHana-barbaadi ke manzar be-shumar
kuchh Thikana hai bhala is jazba-e-tamir ka

Haneef akhgar

---

---

har-chand hama-gir nahin zauq-e-asiri
har panw mein zanjir hai main dekh raha hun

Haneef akhgar

---

---

hasin surat hamein hamesha hasin hi malum kyun na hoti
hasin andaz-e-dil-nawazi hasin-tar naz barhami ka

Haneef akhgar

---

---

ishq mein dil ka ye manzar dekha
aag mein jaise samundar dekha

Haneef akhgar

---

---

izhaar pe bhaari hai KHamoshi ka takallum
harfon ki zaban aur hai aankhon ki zaban au

Haneef akhgar

---

---

jab bhi us zulf-e-pareshan ki hawa aati hai
hum to KHushbu ki tarah ghar se nikal jate hain

Haneef akhgar

---

---