jo hai tazgi meri zat mein wahi zikr-o-fikr-e-chaman mein hai
ki wajud mera kahin bhi ho meri ruh mere watan mein hai

Haneef akhgar

---

---

jo kushud-e-kar-e-tilism hai wo faqat hamara hi ism hai
wo girah kisi se khulegi kya jo teri jabin ki shikan mein hai

Haneef akhgar

---

---

jo musafir bhi tere kuche se guzra hoga
apni nazron ko bhi diwar samajhta hoga

Haneef akhgar

---

---

kafir sahi hazar magar is ko kya kahen
hum par wo mehrban hai musalman ki tarah

Haneef akhgar

---

---

KHalwat-e-jaan mein tera dard basana chahe
dil samundar mein bhi diwar uThana chahe

Haneef akhgar

---

---

kisi ke jaur-e-musalsal ka faiz hai 'aKHgar'
wagarna dard hamare suKHan mein kitna tha

Haneef akhgar

---

---

koi saghar pe saghar pi raha hai koi tishna hai
murattab is tarah aain-e-mai-KHana nahin hota

Haneef akhgar

---

---