yun to ab bhi hai wahi ranj wahi mahrumi
wo jo ek teri taraf se tha ishaara na raha

Habeeb Ashar Dehlavi

---

---

lu ho saba ho ya purwai sab ke sath chalo
sab hain said-e-rah-e-tanhai sab ke sath chalo

Habeeb Fakhri

---

---

aage nikal gae the zara apne-ap se
hum ko 'habib' KHud ki taraf lauTna paDa

Habeeb Hyderabadi

---

---

'habib' is zindagi ke pech-o-KHam se hum bhi nalan hain
hamein jhuTe naginon ki chamak bhati nahin shayad

Habeeb Hyderabadi

---

---

insan ki bulandi o pasti ko dekh kar
insan kahan khaDa hai hamein sochna paDa

Habeeb Hyderabadi

---

---

asal sabit hai wahi shara ka ek parda hai
dane tasbih ke sab phirte hain zunnaron pa

Habeeb Musvi

---

---

ahut dinon mein wo aae hain wasl ki shab hai
moazzin aaj na yarab uThe azan ke liye

Habeeb Musvi

---

---