us ne jab darwaza mujh par band kiya
mujh par us ki mahfil ke aadab khule

Ghulam Murtaza Rahi

---

---

yaron ne meri rah mein diwar khinch kar
mashhur kar diya ki mujhe saya chahiye

Ghulam Murtaza Rahi

---

---

ye daur hai jo tumhaara rahega ye bhi nahin
koi zamana tha mera guzar gaya wo bhi

Ghulam Murtaza Rahi

---

---

ye log kis ki taraf dekhte hain hasrat se
wo kaun hai jo samundar ke par rahta hai

Ghulam Murtaza Rahi

---

---

yunhi buniyaad ka darja nahin milta kisi ko
khaDi ki jaegi mujh par abhi diwar koi

Ghulam Murtaza Rahi

---

---

zaban apni badalne pe koi raazi nahin
wahi jawab hai us ka wahi sawal mera

Ghulam Murtaza Rahi

---

---

mujhe us nind ke mathe ka bosa ho inayat
jo mujh se KHwab ka aazar le kar ja rahi hai

Ghzala Shahid

---

---