jhankta bhi nahin suraj mere ghar ke andar
band bhi koi daricha nahin rahne deta

Ghulam Murtaza Rahi

---

---

jo us taraf se ishaara kabhi kiya us ne
main Dub jaunga dariya ko par karte hue

Ghulam Murtaza Rahi

---

---

kahan tak us ki masihai ka shumar karun
jahan hai zaKHm wahin indimal hai us ka

Ghulam Murtaza Rahi

---

---

kaisa insan taras raha hai jine ko
kaise sahil par ek machhli zinda hai

Ghulam Murtaza Rahi

---

---

kisi ki rah mein aane ki ye bhi surat hai
ki saya ke liye diwar ho liya jae

Ghulam Murtaza Rahi

---

---

kisi ne bhej kar kaghaz ki kashti
bulaya hai samundar par mujh ko

Ghulam Murtaza Rahi

---

---

kitna bhi rang-o-nasl mein rakhte hon iKHtilaf
phir bhi khaDe hue hain shajar ek qatar mein

Ghulam Murtaza Rahi

---

---