phir ek shola-e-pur-pech-o-tab bhaDkega
ki chand tinkon ko tartib de raha hun main

Gopal Mittal

---

---

tark-e-talluqat KHud apna qusur tha
ab kya gila ki un ko hamari KHabar nahin

Gopal Mittal

---

---

ab ke sawan mein shararat ye mere sath hui
mera ghar chhoD ke kul shahr mein barsat hui

Gopaldas Neeraj

---

---

aasman kahte hain jis ko wo zamin-e-sher hai
mah-e-nau misra hai wasf-e-abru-e-KHamdar mein

Goya Faqir Mohammad

---

---

ai junun hath jo wo zulf na aai hoti
aah ne arsh ki zanjir hilai hoti

Goya Faqir Mohammad

---

---

apne siwa nahin hai koi apna aashna
dariya ki tarah aap hain apne kanar mein

Goya Faqir Mohammad

---

---

ijli chamki to abr roya
yaad aa gai kya hansi kisi ki

Goya Faqir Mohammad

---

---