koi ek zaiqa nahin milta
gham mein shamil KHushi si rahti hai

Ghulam Murtaza Rahi

---

---

kuchh aise dekhta hai wo mujhe ki lagta hai
dikha raha hai mujhe mera aaina kuchh au

Ghulam Murtaza Rahi

---

---

main tere waste aaina tha
apni surat ko taras ab kya hai

Ghulam Murtaza Rahi

---

---

meri kashti ko Dubo kar chain se baiThe na tu
ai mere dariya! hamesha tujh mein tughyani rahe

Ghulam Murtaza Rahi

---

---

meri pahchan batane ka sawal aaya jab
aainon ne bhi haqiqat se mukarna chaha

Ghulam Murtaza Rahi

---

---

na jaane qaid mein hun ya hifazat mein kisi ki
khinchi hai har taraf ek chaar diwari si koi

Ghulam Murtaza Rahi

---

---

pahle chingari uDa lai hawa
le ke ab rakh uDi jati hai

Ghulam Murtaza Rahi

---

---