tere ruKHsaron se duniya raushan thi
kaise ho gai zulmat tari hairat hai

Ghulam Mohammad Vamiq

---

---

aata tha jis ko dekh ke taswir ka KHayal
ab to wo kil bhi meri diwar mein nahin

Ghulam Murtaza Rahi

---

---

ab aur der na kar hashr barpa karne mein
meri nazar tere didar ko tarasti hai

Ghulam Murtaza Rahi

---

---

ab jo aazad hue hain to KHayal aaya hai
ki hamein qaid bhali thi to saza kaisi thi

Ghulam Murtaza Rahi

---

---

ab mere gird Thaharti nahin diwar koi
bandishen haar gain be-sar-o-samani se

Ghulam Murtaza Rahi

---

---

ai mere payab dariya tujh ko le kar kya karun
naKHuda patwar kashti baadban rakhte hue

Ghulam Murtaza Rahi

---

---

apni qismat ka bulandi pe sitara dekhun
zulmat-e-shab mein yahi ek nazara dekhun

Ghulam Murtaza Rahi

---

---