mata-e-barg-o-samar wahi hai shabahat-e-rang-o-bu wahi hai
khula ki is bar bhi chaman par giraft-e-dast-e-numu wahi hai

Ghulam Husain Sajid

---

---

meri qismat hai ye aawara-KHirami 'sajid'
dasht ko rah nikalti hai na ghar aata hai

Ghulam Husain Sajid

---

---

mil nahin pati KHud apne-ap se fursat mujhe
mujh se bhi mahrum rahti hai kabhi mahfil meri

Ghulam Husain Sajid

---

---

mere mayus rahne par agar wo shadman hai
to kyun KHud ko main us ke waste barbaad kar dun

Ghulam Husain Sajid

---

---

meri wirasat mein jo bhi kuchh hai wo sab isi dahr ke liye hai
ye rang ek KHwab ke liye hai ye aag ek shahr ke liye hai

Ghulam Husain Sajid

---

---

nashat-e-izhaar par agarche rawa nahin e'tibar karna
magar ye sach hai ki aadmi ka suragh milta hai guftugu se

Ghulam Husain Sajid

---

---

as aai hai na aaegi ye duniya lekin
rok rakkha hai mujhe kuch ki tayyari ne

Ghulam Husain Sajid

---

---