dayar-e-yar ka shayad suragh lag jata
juda jo jada-e-maqsud se safar hota
Ghulam Maula Qalaq
dil ke har juzw mein judai hai
dard uThe aabla agar baiThe
Ghulam Maula Qalaq
fikr-e-sitam mein aap bhi paband ho gae
tum mujh ko chhoD do to main tum ko riha karun
Ghulam Maula Qalaq
gali se apni irada na kar uThane ka
tera qadam hun na fitna hun main zamane ka
Ghulam Maula Qalaq
hai agar kuchh wafa to kya kahne
kuchh nahin hai to dil-lagi hi sahi
Ghulam Maula Qalaq
hum us kuche mein uThne ke liye baiThe hain muddat se
magar kuchh kuchh sahaara hai abhi be-dast-o-pai ka
Ghulam Maula Qalaq
har sang mein kabe ke nihan ishwa-e-but hai
kya bani-e-islam bhi ghaarat-gar-e-din tha
Ghulam Maula Qalaq

