tum sada-mizaji se miTe phirte ho jis par
wo shaKHs to duniya mein kisi ka bhi nahin hai

Ehsan Danish

---

---

uTTha jo abr dil ki umangen chamak uThin
lahrain bijliyan to main lahra ke pi gaya

Ehsan Danish

---

---

wafa ka ahd tha dil ko sambhaalne ke liye
wo hans paDe mujhe mushkil mein Dalne ke liye

Ehsan Danish

---

---

ye kaun hans ke sehn-e-chaman se guzar gaya
ab tak hain phul chaak gareban kiye hue

Ehsan Danish

---

---

ye uDi uDi si rangat ye khule khule se gesu
teri subh kah rahi hai teri raat ka fasana

Ehsan Danish

---

---

ye ujalon ke jazire ye sarabon ke dayar
sehr-o-afsun ke siwa jashn-e-tarab kuchh bhi nahin

Ehsan Danish

---

---

zabt bhi sabr bhi imkan mein sab kuchh hai magar
pahle kam-baKHt mera dil to mera dil ho jae

Ehsan Danish

---

---