kis kis ki zaban rokne jaun teri KHatir
kis kis ki tabahi mein tera hath nahin hai

Ehsan Danish

---

---

kise KHabar thi ki ye daur-e-KHud-gharaz ek din
junun se qimat-e-dar-o-rasan chhupaega

Ehsan Danish

---

---

kuchh apne saz-e-nafas ki na qadr ki tu ne
ki is rabab se behtar koi rabab na tha

Ehsan Danish

---

---

kuchh log jo sawar hain kaghaz ki naw par
tohmat tarashte hain hawa ke dabaw pa

Ehsan Danish

---

---

log yun dekh ke hans dete hain
tu mujhe bhul gaya ho jaise

Ehsan Danish

---

---

main hairan hun ki kyun us se hui thi dosti apni
mujhe kaise gawara ho gai thi dushmani apni

Ehsan Danish

---

---

main jis raftar se tufan ki jaanib baDhta jata hun
usi raftar se nazdik sahil hota jata hai

Ehsan Danish

---

---