ummid to bandh jati taskin to ho jati
wada na wafa karte wada to kiya hota

Chiragh Hasan Hasrat

---

---

ya-rab gham-e-hijran mein itna to kiya hota
jo hath jigar par hai wo dast-e-dua hota

Chiragh Hasan Hasrat

---

---

din to shikam ki aag bujhane mein jae hai
shukr-e-KHuda ki kaTti hai danishwaron mein raat

Daem Gawwasi

---

---

guftugu mein wo halawat wo amal mein iKHlas
us ki hasti pe farishte ka guman ho jaise

Daem Gawwasi

---

---

aao mil jao ki ye waqt na paoge kabhi
main bhi ham-rah zamane ke badal jaunga

Dagh Dehlvi

---

---

aap pachhtaen nahin jaur se tauba na karen
aap ke sar ki qasam 'dagh' ka haal achchha hai

Dagh Dehlvi

---

---

aati hai baat baat mujhe bar bar yaad
kahta hun dauD dauD ke qasid se rah mein

Dagh Dehlvi

---

---