aa jae na dil aap ka bhi aur kisi par
dekho meri jaan aankh laDana nahin achchha

Bhartendu Harishchandra

---

---

abhi to aae ho jaldi kahan hai jaane ki
uTho na pahlu se Thahro zara kidhar ko chale

Bhartendu Harishchandra

---

---

ai 'rasa' jaisa hai bargashta zamana hum se
aisa bargashta kisi ka na muqaddar hoga

Bhartendu Harishchandra

---

---

aat karne mein jo lab us ke hue zer-o-zabar
ek saat mein tah-o-baala zamana ho gaya

Bhartendu Harishchandra

---

---

ut-e-kafir jo tu mujh se KHafa ho
nahin kuchh KHauf mera bhi KHuda hai

Bhartendu Harishchandra

---

---

chhani kahan na KHak na paya kahin tumhein
miTTi meri KHarab abas dar-ba-dar hui

Bhartendu Harishchandra

---

---

ghafil itna husn pe ghurra dhyan kidhar hai tauba kar
aaKHir ek din surat ye sab miTTi mein mil jaegi

Bhartendu Harishchandra

---

---