gulabi gal par kuchh rang mujh ko bhi jamane do
manane do mujhe bhi jaan-e-man tyauhaar holi mein

Bhartendu Harishchandra

---

---

ho gaya laghar jo us laila-ada ke ishq mein
misl-e-majnun haal mera bhi fasana ho gaya

Bhartendu Harishchandra

---

---

jahan dekho wahan maujud mera kirshn pyara hai
usi ka sab hai jalwa jo jahan mein aashkara hai

Bhartendu Harishchandra

---

---

kis gul ke tasawwur mein hai ai lala jigar-KHun
ye dagh kaleje pe uThana nahin achchha

Bhartendu Harishchandra

---

---

kisi pahlu nahin aaram aata tere aashiq ko
dil-e-muztar taDapta hai nihayat be-qarari hai

Bhartendu Harishchandra

---

---

kisi pahlu nahin chain aata hai ushshaq ko tere
taDapte hain fughan karte hain aur karwaT badalte hain

Bhartendu Harishchandra

---

---

mar gae hum par na aae tum KHabar ko ai sanam
hausla ab dil ka dil hi mein meri jaan rah gaya

Bhartendu Harishchandra

---

---