main thoDi der bhi aankhon ko apni band kar lun to
andheron mein mujhe ek raushni mahsus hoti hai

Bharat Bhushan Pant

---

---

sabab KHamoshiyon ka main nahin tha
mere ghar mein sabhi kam bolte the

Bharat Bhushan Pant

---

---

shayad bata diya tha kisi ne mera pata
milon meri talash mein rasta nikal gaya

Bharat Bhushan Pant

---

---

suraj se us ka nam-o-nasab puchhta tha main
utra nahin hai raat ka nashsha abhi talak

Bharat Bhushan Pant

---

---

tu hamesha mangta rahta hai kyun gham se najat
gham nahin honge to kya teri KHushi baDh jaegi

Bharat Bhushan Pant

---

---

ummidon se parda rakkha KHushiyon se mahrum rahin
KHwab mara to chaalis din tak sog manaya aankhon ne

Bharat Bhushan Pant

---

---

us ko bhi meri tarah apni wafa par tha yaqin
wo bhi shayad isi dhoke mein mila tha mujh ko

Bharat Bhushan Pant

---

---