jaane kitne log shamil the meri taKHliq mein
main to bas alfaz mein tha shaeri mein kaun tha

Bharat Bhushan Pant

---

---

kahin jaise main koi chiz rakh kar bhul jata hun
pahan leta hun jab dastar to sar bhul jata hun

Bharat Bhushan Pant

---

---

KHamoshi mein chahe jitna begana-pan ho
lekin ek aahaT jaani-pahchani hoti hai

Bharat Bhushan Pant

---

---

kitna aasan tha bachpan mein sulana hum ko
nind aa jati thi pariyon ki kahani sun ka

Bharat Bhushan Pant

---

---

main ab jo har kisi se ajnabi sa pesh aata hun
mujhe apne se ye wabastagi majbur karti hai

Bharat Bhushan Pant

---

---

main apne lafz yun baaton mein zae kar nahin sakta
mujhe jo kuchh bhi kahna hai use sheron mein kahta hun

Bharat Bhushan Pant

---

---

main ne mana ek guhar hun phir bhi sadaf mein hun
mujh ko aaKHir yun hi ghuT kar kab tak rahna hai

Bharat Bhushan Pant

---

---