asar na puchhiye saqi ki mast aankhon ka
ye dekhiye ki koi hoshyar baqi hai

Betab Azimabadi

---

---

kitne ilzam aaKHir apne sar
tum ne ghairon ko sar chaDha ke liye

Betab Azimabadi

---

---

laD gai un se nazar khinch gae abru un ke
marke ishq ke ab tir-o-kaman tak pahunche

Betab Azimabadi

---

---

taDap ke rah gai bulbul qafas mein ai sayyaad
ye kya kaha ki abhi tak bahaar baqi hai

Betab Azimabadi

---

---

aaj khelenge mere KHun se holi sab log
kitna rangin har ek shaKHs ka daman hoga

Betab Sury

---

---

aankhon mein ek bar ubharne ki der thi
phir aansuon ne aap hi raste bana liye

Bharat Bhushan Pant

---

---

ab to itni bar hum raste mein Thokar kha chuke
ab to hum ko bhi wo patthar dekh lena chahiye

Bharat Bhushan Pant

---

---